Die ehrwürdige Theelacht zu Norden hat einen neuen Syndikus.
Während einer außerordentlichen Zusammenkunft am vergangenen Freitag stellte der langjährige und verdiente Amtinhaber Rudolf Folkerts diesen Posten aus Altersgründen zur Verfügung. Zum Nachfolger von Folkerts wählten die geladenen Teilnehmer der Runde den Theelachter Heiko Campen. Über den Verlauf der Sitzung übermittelte uns Dr. Hans-Hermann Briese einen plattdeutsch verfassten Bericht, den wir nachfolgend abdrucken:
De Theelacht leet sük hören: To Johanni mutt d’r een wählt worrn, de dat Wark as Syndikus wieder doon sall. Laden u nto de Wahl tolaten sünd de Theelachters (sowieso), de Lü van de Theelachts-Utschuß un ut elke Theelbook twee Arvburen of Pelsburen, de in de lasde veer Jahren besünners faken bi de Theelachts-Utgaven west hebbt. De darbihören deen, wurren an Freedag, 21. Juni 16 Ühr, up de Theelkammer nögt. Dae satten se dann vör dar Theelbeer un harren de Huut boven d‘ Nös in Krüseln truken. Syndikus Rudolf Folkers wull an weggen Oller overgeven, un Theelachter Seeba funn a sollst unner de Theelachters gode Woorden to ´n Ofbescheed. Un nu muß d´r een her!
Man bit de Kandidaten nömt wurren, kregen de Mannlü noch dat een of anner eernst Woord mit up de Padd. Van d´olle Wennst was de Reed, ok van Tradition, wat´n bebehollen sull un muß, wat na neeimoodsch demokratisch Mood dörstahn worrn muß. Twee utwussen Keerls wullen woll Syndikus worrn, Dar mussen Zedels her. Dat gung d´r bi langs. Haast so as bi de Kommunalwahl. Das knisterde neet bloot dat Torffür in de Kamin.
Un denn dat Reseltat: Wunnen harr Heiko Campen!
Well is disse Mann? In Rudolf Folkerts sein Book over de Theelacht to Nörden is Campen al 1956 as jung Arvbuur up en Foto ofkunterfeit. Un siet Novembermaand 1975 is he Theelachter för de Neegroder un Gaster Theelen. Ok as Wattloper hett he en Naam. Un de Kann heel moi proten over de Noordsee as Moordsee.
Camen is nu jüst in dat Older, dat Folkerts vor 22 Jahr harr, as he Syndikus wurr.
Dat was 1968. De Arvburen wassen düchtig lied, dat se weer en Syndikus harrn. Koopburen wassen neet nögt, de hebbet bi dowat nix to söken. De Syndikus mutt ja de Boken in Rieg hollen, dat Geld verwalten un verwahren un darup kieken, dat nüms dartüsken kummt, de sien Vörollen neet bi de grote Normannenslacht 884 mithulpen hebbt.

Campen sall ´t woll recht maken. Daför kreeg he mennig Handslag. Dank för beid, de, de ´t solang daan hett, un de, de ´t nu doon mutt.

Hans-Hermann Briese