Abrechnungsveranstaltung 2022
Zu Johanni Baptist (24. Juni) wurden in Ostfriesland neben anderen Bräuchen Knechte und Mägde entlohnt; sie konnten sich neue Arbeitgeber suchen. Bei der Theelacht zu Norden wurden zu Johanni Baptist in den Schaltjahren die Theelbücher über die „Vörjahrs-Theele“ Gaster, Hover, Linteler und Osthover Theel und die „Harvst-Theele“ Neegroder, Trimser, Ekeler und Osthover Theele. Dann hatten die Erbauern („Arvburen“) die Möglichkeit, die Arbeit der Theelachter als Verwalter jeweils einer Vörjahrs- und Harvst-Theele zu prüfen und durch Unterschrift Entlastung zu erteilen.
Im Corona-Jahr 2020 musste diese Abrechnungs-Versammlung („Ofrekens-Versammeln“) entfallen. Eine „extraordinäre“ Versammlung wurde zu Johanni Baptist eingeladen, um das Versäumnis nachzuholen. Es fanden sich der Theelachts-Ausschuss und für jede Theele zwei Arvburen sowie als Gäste und Koop-Andelen die Vierten von den Altenburger Landen und der Leegemoor-Gesellschaft in der Theelkammer („Theelkamer unner dat Olle Raadhuus to Nörden“) ein.
Im Mittelpunkt dieses Treffens stand die Verabschiedung des Syndicus Heiko Campen. 1991 war der von den Erbbauern zum Syndicus gewählt worden. Als Syndicus Nachfolger wählte die Versammlung Arvbuur Holger Alts. Angesichts der immensen Zukunftsaufgaben mit Digitalisierung der gesamten Verwaltung mit einem großen Aktenbestand wurde ihm Arvbuur Hans-Günter Rühaak zur Seite gestellt. (HHB)
Laudatio up Syndicus Heiko Campen
Johanni Baptist 2022
„De kloke Mann weet genau, wennehr he Amt un Würden ofgeven mutt“
Disse slaue Satz hett mal een an en Minister seggt, de sük neet trennen kunnt harr van sien Amt. Sogaar Angela Merkel word naseggt, se harr de Kanzlerskupp al vööl ehrder ofgeven sullt. Dat all kann nüms uns Syndicus Heiko Campen naseggen, de heel genau wuss, „nu is ’t ok good west, nu sallen maal de junge Lüü ran.“ Syndicus Campen hett sien Wark daan. He was al mennig Jahr bi de Theelacht togang, bit he 1975 as Theelachter köört wurr. He was Theelachter för de Gaster un Neeigroder Theelen, de Gaster as Vörjahrs- un Neeigroder as Harvst-Theelen. So sund un knuustig as he vandaag mit sien 88 Jahr noch is, kann he wiss daarup hopen, de 50 Jahr as Theelachter vull to maken. Mit anner Woorden: He kummt in golden Schrift up de Stamm-Tafel hier an Koppsied van de Arvburen. Sien Amt as Syndicus kummt he siet 31 Jahr na. Siet Johanni Baptist 1991. Bi sien Wahl was dat Reseltaat klaar un düdelk. He hett de Last van dat Amt up sük nohmen. He hett de Theelacht da buten vertreden, is de Repräsentations-Plichten nakomen, hett de Finanzen unner Kuntroll hollen, de Boken föhrt un wiederschreven. Up Heiko Campen sien spaarsamen Huushollen geiht torügg, dat de Theelacht in sien Amtstied weer 8 ha. egen Land in de olle Theelachts-Gewesten um de Hilgenrieder Bucht kopen kunn. Theelachters, Arvburen un Koopburen hebben hum in de 31 Jahren vööl to verdanken. Mit Remmer Hedemann hett he de Theelacht as ollste Genotenskupp in Europa, wenn neet gaar in de hele Welt, in Vördragen un bi Theelkamer-Visieten bekennt maakt. Tosamen mit de Theelachts-Chronist Friedrich Edenhuizen hett he de prachtige Upfolge-Band van Rudolf Folkerts sien Theelachts-Book to verantwoorden. In en Warkkring van de Nörder Heimaadvereen over de Nörder Histoorje deit he nettso sien Fliet. He pleegt de oostfreeske Taal in sien Nörder Mundaard. Buten sien Verdennsten um de Theelacht hett Heiko Campen vööl för dat Levens-Redder-Wark daan. He hett en Bült Upgaven in de DLRG Nörden overnohmen, Daarto höörde ok, dat he dat Leit harr as Vörsitter van de lokale Grupp un in dat Technik-Rebett.
Mennig Utteken kunn he integennehmen, so de Ehren-Urkunn för Redden ut Levensgefahr, Verdennst-Urkunn in Sülver un in Gold. Dat Wark as Lidd van de DLRG broch hum na de Waddensee. Siet haast 60 Jahr wiest he as Waddföhrer de Gasten de Natuur un dat Leven seesiets van de Dieken. Daar is he ok woll as „Tee-o-loge“ betekent worden, harr he fröher doch in sien Profession mit Tee to doon. Ik düür woll seggen, dat Heiko Campen sük um sien Heimaadstadt, de Theelacht un dat Reddens-Wark verdeent maakt hett.
Dr. Hans-Hermann Briese
Theelachter