Vör een Jahr truffen sük de dree olle Nörder Sellskuppen eerstmaals in Oktobermaant in de Theelkamer. De Theelacht to Nörden harr de anner Genotenskuppen Oll Börgerlannen un Leegemoor nöögt.
An Fredag, de 18.10.2024, hebben de Oll Börgerlannen Theelacht un Leegemoor inladen, ok weer in de Theelkamer. De Genotenskuppen hebben bi disse Gelegenheid ok hör Körtnaam kregen: „3 G“. Ollst Veert Johann Hattermann see en hartelke Willkomen.
Bi open Heerdfüür, lange Tonpiepen un Beer, ditmaal ut Glasen, kwamm gliek en kommodig Stimmung up. De Theelboot Theo Peters harr weer all mooi up Stücken brocht. Ok för en Happke harr he sörgt. Theelachter Hans-Hermann Briese droog sien Vertellen „De Slüsenbaas“ vör.
Daar gaff dat vööl to vertellen. Un de Bliedskupp wurr van Maal to Maal groter.
(HHB)