Ik, Rernbertus
Ik will mi Jo even bekennt maken:
Also, ik bün Rimbert (up Latiensk Rembertus). Ik bün um 830 in Flandern upstahn, un an 11. Junimaant 888 in Bremen overleden. In Harmbörg un Bremen hebb ik an de Sied van mien Baas, Biskop Ansgar van Hambörg, warkt. As Ansgar 865 overleden was, bün ik as Biskop van Hamhörg un Bremen köört worden. Ik harr dat Leid in de Verwalten van de Kark un muss ok faken over Land, waar ik denn Sendgericht ofhollen muss. So kwamm ik 884 in dat Nörderland. De Kuntrei um Nörden höörde dotieds eerst to dat Bisdoom Münster um wurr denn, as de Leybucht bit na Nörden vördrung, dat Bisdom Bremen toslaan. In Nörden heklaagten de Hovetlinge (Häuptlinge) un dat Volk, dat de Noordmannen mehr un mehr van See ut de oostfreeske Lannen overfullen.
De Minsken, de hör tomööt kwammen, hauden se dood, de Frolüü deen se Gewalt an un soggar de Kinner verschoonden se neet. Gung dat so wieder, mussen de Minsken weglopen un de Rovers hör Egen un Good overlaten. Ik hebb dat vermeet kregen, de Lüü de Angst to nehmen, un hör good toproot, sük tegen de Noordmannen to stemmen. Dat Volk is denn ja lostrucken. Mit de Hovetlingen un Redjeven (Richter) vöran. As Wapens harren de Plenters un Förken, Sichten, Seisen un Däskflegels, Schüppen un Spaden. Mit dat Reev ut de Buurderee gungen se rtgen de Rovers an, moken hör dood of jaggden hör in den Waddensee torügg. Daarbi brullden se luud: „Lever dood as Slamv!“ 10377 Noordmannen sünd dotieds umkomen, dat is overlevert. Ik was ja in grote Sörg, of de Nörders dat Bladd wennen kunnen. Un so hebb ik mi hier up de Olle Karkhoff to Nörden up en dicke Flint henkneeit un in Tweespraak mit Gott um sien Segen för de Nörders beedt. De harren de Will um Free un de Jangst na Freeiheid up hör Sied; dat gaff hör Kracht un Forse, to overieven un to winnen. Mag wesen, mien Gebedd hex hulpen. Ik in mien Enigheid hebb so düchtig an’t Beden west, dat mien Knejen sük in de Steen indrückt hebben. Daar steiht alltied en lüttje Kuhl mit Water in. Un dat kann elk un een sük vandaag noch ankieken. In de Volksmund heet de Flint „Waartensteen“. Lüü de Waarten an de Hannen hebben, duken hör Fingers bi Vullmaan in de Waterpool un sallen so de lastig Waarten quiet worden.

Hans-Hermann Briese
Johann i Baptist 2022