An Dönnerdag, de 8. Juni 2023, gung de Theelacht to Nörden up Reisen. Se wull dat Theelachts-Land upsöken. Daarbi wassen de veer Theelachters, de Syndicus un sien Vertreder un Leden van de Theelachts-Utschuss.

Se harren moje dröge Weer daarbi raakt.
Mit een Minibus (an ’t Stüür Theelboot Theo Peters) gung ’t van Blandörp over Feldpaden in de Gemarkung Blandörp-Wichte na dat Fluurstück 30 van 6.730 Quadraatmeter Grötte, denn, heel neet so wied daarvan of, gliek achter de Geleisen van de Bahn Nörden-Door’m, na dat Fluurstück 77/42 van 14.608 qm.
De Fahrt gung wieder na Arle. Achter de Arler Kark geiht de Padd in de Arler Hammerk, de up Ness un Door’m anlööpt. Daar wurr in de Gemarkung Ness dat Fluurstück 23 van 20.673 qm bekeken. Over Ness gung de Reis na Westdörp, waar dat Fluurstück 55/4 van 45.010 qm upsöcht wurr.
De Theelachts-Lüü wesen sük tofree mit de Tostand van dat Land, dat nu in ’t Geheel 87.021 qm groot is. Nu kunnen se sük, torügg in Nörden, in MINNA wat Leckers setten laten. HHB